Gjilani ka bërë goditjen e radhës në merkato duke transferuar futbollistin Redi Kasa.

Lajmi është bërë i ditur përmjet një postimi në rrjetin social Facebook të klubit, shkruan Arbresh.info.

Kasa edicionin e fundit është paraqitur tek Egnatia në Shqipëri, ku edhe është shpallur kampion.

Skuadra gjilanase me transferimet e fundit, ka treguar se është futur seriozisht në stinorin e ri për objektiva të mëdha.

NJOFTIMI I PLOTË NGA KLUBI:

Sport Club Gjilani njofton se ka arritur marrëveshje me Klubin Futbollistik Egnatia për transferimin e futbollistit Redi Kasa me karton të plotë. 

Kasa i është bashkuar Gjilanit nga kampionët e Shqipërisë duke mbyllur një tjetër aventurë pas asaj të fitimit të titullit kampion dhe Kupës së Shqipërisë. 

23 vjeçari i cili luan në pozitën e sulmuesit të krahut të djathtë ka qenë pjesë e klubeve si NK Olimpija në Slloveni, Septemvri Sofia dhe Tsarsko Selo në Bullgari.